٣٠ نصيحة للمبتدئين في الجوجيتسو البرازيلي (الحزام الأبيض)

لازم نقول إن دي مش قايمة كاملة. في الحقيقة، في حاجات كتير المبتدئين محتاجين يعرفوها، وماقدرناش نحط كل حاجة عن “ازاي تبدأ في الجوجيتسو” في المقال ده علشان يفضل سهل القراية. مع ذلك، دول ٣٠ نصيحة هتساعدك تبدأ رحلتك في الجوجيتسو كحزام أبيض.

أول ٥ نصايح عامة وممكن نقول إنهم من أهم النصايح.

ال ٢٥ نصيحة اللي بعدهم مقسمين على حسب الفئات دي:

• إزاي تتحسن في الجوجيتسو
• إزاي تتدرب بأمان وذكاء
• آداب ونظافة الجوجيتسو
• إزاي تستمر في الجوجيتسو

٥ نصايح عامة لأصحاب الحزام الأبيض في الجوجيتسو

١. استسلم بدري واستسلم كتير

كحزام أبيض في الجوجيتسو، هتتغلب كتير. دي حاجة لازم تحصل علشان تتعلم.

تتعلم إزاي تستسلم بدري وكتير ده جزء مهم من بداية رحلتك في الجوجيتسو. لازم تحافظ على صحتك وسلامتك علشان تقدر تتدرب باستمرار مع مرور الوقت – وتحصل على فوايد التدريب الكتير – ومش هتقدر تعمل كده لو اتصبت. استسلم بدري، استسلم كتير، واستمر في التعلم والتطور.

٢. استخدم التكنيك مش القوة أو العدوانية لما تتدرب

جوهر الجوجيتسو البرازيلي هو استخدام التكنيك والرافعة Leverage للتغلب على الخصوم الأكبر والأقوى. ده اللي عائلة جراسي جابته للفن اللطيف.

بس كتير من أصحاب الحزام الأبيض بيميلوا لاستخدام القوة والعضلات لما بيحاولوا يخرجوا من الأوضاع الصعبة، بدل ما يستخدموا التكنيك والتوقيت ودا طبيعي في البداية.

علشان تستفيد أقصى استفادة من وقتك على البساط، وعلشان ماتكتسبش عادات غير صحيحة، اتعلم تستخدم التكنيكات اللي بتتعلمها في أول أيام/أسابيع/شهور من تدريبك، بدل ما تعتمد على القوة أو اللياقة البدنية للفوز في المناورات مع شركاء التدريب.

٣. سيب غرورك برة الصالة

لما تبدأ تتدرب على الجوجيتسو البرازيلي، هتلاقي نفسك كتير في وضع دفاعي – خصوصاً لما تتدرب مع أصحاب الأحزمة الملونة (الأعلى).

قدرتك على ترك غرورك برة الصالة – وتتقبل إنك هتفشل/تتعلم – ده ضروري جداً لو عايز تتقدم من الحزام الأبيض للحزام الأزرق.

ده بيتطلب تغيير من التركيز على الأداء في التدريب لتركيز على التعلم والتطور. مش معناه إنك لازم تخسر كل جولة تدريب، لكن معناه إنك ماتدخلش غرورك في الموضوع لما تخسر جولة.

٤. الاستمرارية أهم من الحماس الزايد في تكرار التدريب

التدريب المستمر هو المفتاح لتطوير معظم المهارات. ونفس الكلام ينطبق على إتقان الجوجيتسو البرازيلي.

الأهم إنك تلاقي طريقة للتدريب باستمرار على مدى شهور وسنين، مش إنك تتدرب مرتين في اليوم لبضع أسابيع، وبعدين تحترق أو تتصاب أو تفقد الاهتمام بالجوجيتسو.

خد الأمور على مهلك وفكر في رحلتك في الجوجيتسو على إنها ماراثون – مش سباق سريع.

٥. استرخي واستمتع شوية

في النهاية، بالنسبة لمعظم الناس، الجوجيتسو البرازيلي هو هواية. قليل من الممارسين هم تنافسيين على مستوى عالي أو مقاتلين في الفنون القتالية المختلطة.

مع الأخذ في الاعتبار الكلام ده، من المهم تفتكر إن الجوجيتسو البرازيلي المفروض يكون ممتع!

استرخي، ماتاخدش نفسك بجدية زيادة عن اللزوم، وحاول تستمتع بوقتك على البساط!

٢٥ نصيحة محددة لأصحاب الحزام الأبيض في الجوجيتسو

إزاي تتحسن

١. اعمل تسخين/أتقن الحركات الأساسية

إتقان الحركات الأساسية للجوجيتسو (زي البريدج، والشريمب) جزء أساسي من التحسن. الحركات دي، وغيرها، هي أساس كل التقنيات اللي هتتعلمها.

صحيح، تعلم تقنيات أكثر تعقيداً ممكن يكون جذاب، لكن الأهم للحزام الأبيض هو تعلم الحركات الأساسية للفن.

٢. الدفاع القوي بيؤدي لهجوم أفضل

معرفة إنك تقدر تهاجم من وضع السايد كونترول العلوي حاجة. معرفة إنك تقدر تخرج من وضع السايد كونترول السفلي حاجة تانية.

مع ذلك، بالنسبة للأحزمة البيضاء، الدفاع القوي هيؤدي لهجوم أفضل، لأنك هتكون أكثر ثقة في قدرتك على الهروب من الأوضاع السيئة لو فشلت هجماتك.

٣. اتعلم تكون مرتاح في الأوضاع الصعبة

الأهم من كده، كحزام أبيض، هتقضي وقت كتير في أوضاع سيئة – سواء حبيت أو لأ. تتعلم تكون مرتاح لما يكون خصمك في وضع متحكم زي التحكم من الضهر، ده أمر حيوي لتطورك.

الهدوء في الأوضاع السيئة بيسمح لك تفكر في طريقة للهروب، بدل ما تلجأ للقوة والعضلات زي ما بيعمل كتير من الأحزمة البيضاء/المبتدئين.

٤. استفيد من التدريب المتعمد (سبارنج)

استخدام التدريب المتعمد طريقة رائعة للتحسن في الجوجيتسو. حدد أهداف معينة بناءً على احتياجاتك الشخصية وبعدين قيس تقدمك وإنت بتتدرب، مع إعادة تقييم وتحديث أهدافك باستمرار.

الجوجيتسو نشاط مناسب جداً للتدريب المتعمد لأننا بنحصل على تغذية عكسية مستمرة من شركاء التدريب (يعني، هل التقنية نجحت على الخصم ولا لأ).

٥. كن فضولي، اسأل أسئلة

التدريب كحزام أبيض كله عن تعلم أساسيات الجوجيتسو واستكشاف التقنيات والأوضاع والمفاهيم الكتير اللي بتعرف الفن القتالي الرائع ده.

كمان، ماتخافش تسأل شريك تدريب أو مدرب عن المساعدة! كن فضولي، وحاول تتعلم حاجة من كل حد.

٦. احتفظ بمفكرة للجوجيتسو

كحزام أبيض، هيكون صعب تفتكر كل التقنيات اللي بتتعلمها من حصة للتانية.

طريقة لتسريع عملية التعلم هي الاحتفاظ بمفكرة للجوجيتسو، فيها تقدر تتبع كل تفاصيل التقنيات اللي بتتعلمها في الحصص. ده مفيد بشكل خاص لما تتعلم تقنيات متقدمة أكتر.

٧. شاهد/ادرس الجوجيتسو

تقدر تحسن الجوجيتسو بتاعك حتى لما مش بتكون على البساط بتتدرب.

بالنسبة للأحزمة البيضاء في الجوجيتسو البرازيلي، مشاهدة ودراسة فيديوهات الجوجيتسو من أفضل الطرق لتحسين لعبك. تقدر تشاهد مباريات المنافسات كاملة، أو حتى فيديوهات تقنيات محددة، حيث تقدر تركز على الأوضاع أو التقنيات اللي بتواجه صعوبة فيها في الحصص.

٨. اقضي وقت في التدريب والرولنج

الرولنج (أو السبارنج) جانب ممتع جداً من تدريب الجوجيتسو.

لكن إيجاد شريك تدريب مناسب وقضاء وقت في صقل تقنياتك وتسلسلاتك طريقة رائعة لتحسين لعبة الجوجيتسو بتاعتك.

٩. ركز على التكنيكات الرئيسية عالية النسبة

كتير من المبتدئين عايزين يتعلموا تكنيكات معقدة قبل ما يتعلموا الأساسيات.

كحزام أبيض في الجوجيتسو، التركيز على التكنيكات والأوضاع الرئيسية عالية النسبة هيفيدك أكتر لما تكون لسه بتبدأ. الكلوزد الجارد، الهاف جارد،المرور من الجارد، آرم لوك، تراينجل، رير نيكد شوك، إلخ.

١٠. شارك في منافسة واحدة على الأقل

تكنيكاتك عاملة ايه؟ المنافسة هي أفضل طريقة للإجابة على السؤال ده.

اختبر ادائك في الجوجيتسو ضد أحزمة بيضاء تانية وشوف إيه اللي محتاج تشتغل عليه أكتر. يمكن تكنيك المرور من الجارد بتاعك مش زي ما كنت فاكر. أو يمكن الاحتفاظ بالجارد بتاعك ضعيف ومحتاج اهتمامك في التدريب. لو عايز تتحسن في الجوجيتسو أسرع من شركاء التدريب بتوعك، المنافسة طريقة رائعة للارتقاء بمستواك (سواء كسبت أو خسرت).

إزاي تتدرب بأمان وذكاء

١١. كن شريك تدريب كويس

في النهاية، مش هتقدر تتدرب على الجوجيتسو من غير شركاء تدريب. فكن لطيف معاهم، ماتأذيهمش/متسببلهمش إصابات، واشتغلوا مع بعض علشان تتحسنوا في الجوجيتسو سوا!

١٢. خليك طالب كويس

لو المدرب بتاعك بيشرح تكنيك معين من تحت السايد كونترول، يبقى المفروض تقضي وقتك في التدرب على التقنية دي تحديداً – ده مش الوقت المناسب تبدأ تجرب حاجات شفتها على اليوتيوب، أو تسأل أسئلة “طب لو؟”. طبعاً، ده مجرد مثال واحد على اللي ماينفعش تعمله كحزام أبيض في حصة الجوجيتسو.

افتكر إن كونك شريك تدريب كويس وطالب منتبه، محترم، وشغال جامد دول جوانب مهمة جداً للترقي في رتب الجوجيتسو.

١٣. فضل التعلم على الأداء

لو بتجهز لمنافسة، ممكن الأداء في التدريب يبقى محور تركيزك الأساسي. لكن علشان تحسن ادائك في الجوجيتسو بجد، لازم تفضل التعلم على الأداء لما تكون على البساط.

جرب، افشل، اتعلم، استمتع – واتحسن.

١٤. خد وقت راحة للإصابات

لو انت متألم/مصاب، عاجلاً أم آجلاً، جسمك هيحتاج وقت للتعافي – الشريط اللاصق مش حل دايم.

أخذ وقت راحة من التدريب لشفاء إصابة ضروري لو عايز تقدر تتدرب على المدى الطويل، على مدى شهور وسنين. كمان، خد بالك إن مجرد إنك مش قادر تكون على البساط للتدريب، مش معناه إنك مش قادر تستمر في التعلم عن طريق حضور الحصص للمشاهدة، أو عن طريق مشاهدة فيديوهات الاكاديمية على الإنترنت.

١٥. ضيف شوية تمارين مرونة، حركة، وقوة خارج الجوجيتسو

مش بس تمارين المرونة والحركة والقوة والتكييف هتساعد في تحسين أدائك على البساط (طالما بتصاحبها بتكنيك جوجيتسو كويسة، طبعاً)، لكن الاهتمام بجسمك برة البساط كمان بيلعب دور كبير في منع الإصابات.

آداب ونظافة الجوجيتسو

١٦. دايماً اتدرب بأدوات نضيفة

لازم دايماً تتدرب بـ جي نضيف (أو بـ راش جارد/شورت نضيف، لو بتتدرب نو-جي).

١٧. خلي ضوافرك مقصوصة

آخر حاجة عايزها هي إنك تجرح شريك التدريب بالغلط بضوافر إيدك أو رجلك. خليهم مقصوصين ونضاف لمصلحتك ومصلحة شريكك.

١٨. حاول ما تمشيش خارج البساط حافي أبداً (يعني، البس شبشب/فليب فلوب/سلايدز/شراب)

بعض الصالات بتكون أكثر صرامة في الموضوع ده عن غيرها، لكن بشكل عام، حاول ما تمشيش خارج البساط حافي، لأنك مش عايز تجيب تراب تاني على البساط ولشركاء التدريب بتوعك. استخدم شبشب/فليب فلوب/سلايدز، أو البس شراب، لما تمشي في الصالة.

ملحوظة جانبية، فكرة كويسة إنك ما تتدربش أبداً بجرح مفتوح. نشر العدوى لشريك تدريب ماينفعش يكون جزء من رحلة الجوجيتسو بتاعتك.

١٩. خد بالك لما تطلب من الأحزمة الأعلى يعملوا سبارنج معاك

تاني، بعض الصالات بتكون أكثر صرامة في الموضوع ده عن غيرها، لكن في قاعدة/جزء من الآداب إن الأحزمة الأعلى يقدروا يطلبوا من الأحزمة الأقل يعملوا سبارنج معاهم، لكن مش العكس.

فبشكل عام، الحزام الأبيض يقدر بس يطلب من الحزام الأزرق يعمل سبارنج معاه، لكن مش من الحزام البنفسجي. وبالمثل، لو الحزام الأبيض اتطلب منه من حزام أعلى يعمل سبارنج معاه، لازم يقول أيوة.

علشان تكون في الآمان، حاول الأول تكون عارف آداب الصالة قبل ما تطلب من حزام أعلى يعمل سبارنج معاك.

٢٠. اعرف قواعد/آداب الصالة اللي بتتدرب فيها

بناءً على النقطة اللي فاتت، مهم تعرف إيه اللي الأحزمة السودا في الصالة اللي بتتدرب فيها متوقعينه منك كحزام أبيض.

آداب الصالة بتختلف شوية في كل مكان. اعرف القواعد/الآداب المحددة للصالة علشان تتأكد إنك عارف إيه المتوقع منك (مثلاً، الزي، جداول الحصص/سياسات الحضور، قواعد تدريب المنافسات، إلخ).

إزاي تستمر في الجوجيتسو

٢١. المنافسات ممكن تكون مفيدة، لكن مش ضرورية

لو عايز تسرع تقدمك في الجوجيتسو، المنافسات \ البطولات ممكن تكون أداة عظيمة. لكن ما تحسش إنك مجبر تنافس. لبعض الناس، المنافسات بتبقى مصدر توتر/قلق ملوش لازمة. لو عايز تنافس، عظيم. لو مش عايز تنافس، برضو عظيم!

في النهاية، الجوجيتسو المفروض يكون ممتع. اعمل اللي بيسعدك!

٢٢. مش محتاج تصرف فلوس كتير على أدوات/إكسسوارات الجوجيتسو

لو عندك دخل كافي، وعايز تبقى مجهز بكل حاجات الجوجيتسو، براحتك!

لكن اعرف إنك مش محتاج تصرف فلوس كتير على معدات وإكسسوارات الجوجيتسو علشان تكون مثالي في الجوجيتسو. كام جي/طقم نو-جي واشتراك في صالة جوجيتسو هم كل اللي محتاجه بجد.

٢٣. منع الإصابات هو الاصل في اللعبة

الطريق للحزام الأسود طويل. أخذ وقت راحة بيخليه أطول.

إيجاد طرق للبقاء بدون إصابات هو المفتاح للانتقال من الحزام الأبيض للحزام الأسود. أكيد، إصابة هنا وهناك أمر لا مفر منه. لكن التدريب بذكاء والحفاظ على الصحة برة البساط هما من أفضل الطرق للتأكد إنك قادر تستمر في الرولنج سنة ورا سنة.

٢٤. ثق إن مدربك هيرقيك لما يعتقد إنك جاهز

السؤال عن موعد ترقيتك يعتبر من المحرمات في الجوجيتسو البرازيلي.

بشكل عام، خصوصاً كحزام أبيض، مهم تثق إن مدربك هيعرف إمتى تكون جاهز للترقية. بس استمر في الحضور واستمر في التدريب بذكاء، وحتلاقي نفسك بتترقى مع مرور الوقت.

٢٥. افتكر إن امتلاك حزام أبيض هو إنجاز

الكل بياخد حزام أبيض لما يبدأ التدريب، لكن مش الكل بيبدأ التدريب. مجرد دخولك أبواب صالة جوجيتسو والتسجيل بياخد شوية شجاعة، فالحزام الأبيض المفروض يكون حاجة تفخر بيها من البداية.

استمر في التدريب وهتكون عند الحزام الأزرق قبل ما تعرف!

في النهاية،

تمنياتي لكم بالتوفيق والسداد